PANAMBANG NE.

Trap-trapane panambang NE.

1.      Panambang NE yen sumambung ing tembung lingga kang wanda pungkasan awujud wanda sigeg, bares wae, tuladha:

a.       seblak + ne > seblakne.

b.      jupuk + ne > jupukne.

c.       golek + ne > golekne.

d.      gambar + ne > gambarne.

e.       bacut + ne > bacutne.

2.      Panambang NE yen sumambung tembung kang wanda pungkasan awujud wanda sigeg arupa konsonan N, kosonan N mau owah dadi “K”, tuladha:

a.       pakan + ne > pakakne.

b.      dandan + ne > dandakne.

c.       papan + ne > papakne.

d.      paran + ne > parakne

e.       tuntun + ne > tuntukne (tuntunne)

f.       udhun + ne > udhukne (udhunne)

3.      Panambang NE yen sumambung ing wanda menga (vocal), wanda pungkasan kawuwuhan swara AK,  banjur wanda pungkasan mau owah dadi swara miring, tuladha:

a.       waca + ne > wacakne

b.      jaga + ne > jagakne.

c.       ganti + ne > gantekne

d.      bali + ne > balekne.

e.       gawe + ne > gawekne

f.       pepe + ne > pepekne

g.      turu + ne > turokne.

h.      buku + ne > bukokne.

i.        jodho + ne > jodhokne.

j.        paro + ne > parokne.

4.      Panganggone panambang NE ing ukara lumrahe bebarengan karo ater-ater anuswara utawa ater-ater tripurusa (arupa konfik), tuladha:

a.       macakne, dakwacakne, kokwacakne, diwacakne.

b.      nggantekne, dakgantekne, kokgantekne, digantekne.

c.       njodhokne, dakjodhokne, kokjodhokne, dijodhokne.

5.      Bedane panambang E karo panambang NE.

a.       Sumambung ing wanda menga
Panambang E : wacane, tukune, gurune, jodhone, baline.
Panambang NE : wacakne, tukokne, gurokne, jodhokne, balekne.

b.      Sumambung ing wanda sigeg:
Panambang E : tulise, gambare, bacute, jupuke, seblake
Panambang NE: tulisne, gambarne, bacutne, jupukne, seblakne.

6.      Rimbage panambang NE yaiku rimbag tandang ke kriya.