Alun-alun Bubat nyimpen kedadean kang gedhe yaiku banjir getih nalika Sang Prabhu Hayamwuruk ngayunake putri Sundha. Nalika ratu Sundha sang Maharaja teka ing alun-alun Bubat, ana seling surup antarane ratu Sundha lawan Patih Gajahmada. Banjur kedadean perang antarane wadya Sundha lawan Majapait. Kedadean kasebut ditulis ana ing Pararaton kang unine mangkene “wong Sundha mati, kadi sagara getih gunung wangke, bhrasta wong Sundha tan hana kari, I caka sanga-turangga-paksa-wani, 1279 C (1357 M). Mung wae kedadean kasebut ora ditulis ing Negarakertagama, kamangka Negarakertagama ditulis nalika Pabhu Hayamwuruk isih sugeng.
Saiki, alun-alun Bubat wis malih wujude. Yen biyen alun-alun kang endah banget saiki wujud sawah kang subur. Wong-wong ingkono nyebutake “Sawah Bubat” kaya kang diterangake dening Pak Sudarso. Ing sakiwa tengene Sawah Bubat uga tinemu ilen-ilen kang dinuga tinggalane kraton Majapait.
Gambar ing ngisor Sawah Bubat lan Pak Sudarso kang menehi katrangan bab Sawah Bubat, sarta gambar ilen-ilen jaman Majapait.
Tidak ada komentar:
Posting Komentar