Swara I jejeg yaiku I diwaca I, ateges swara I ora owah saka
asale. Conto :
a.
Manggon ing tembung : pipi, siji, siti, kili,
miri, mili, bibi, pithi, ciri, bithi, wiji, wingi,
b.
Manggon ing wanda wiwitan : bisa, bisu, bima,
lima, linu, liman, lsp.
c.
Manggon ing pungkasane tembung awujud wanda
menga : nabi, bathi, sari, bali, ngaji, wengi, wedi, wedhi, lsp.
d.
Manggon ing tengahing tembung : baita, bacingah,
bedhiyang, bekisar, lsp.
Swara I miring yaiku I diwaca E, ateges I wis owah dadi E.
Conto:
a.
Manggon ing tembung kang kadadean saka sawanda :
pring, ming, sing, ling, ning, ping, wit. Pakajaban: pit (sepedhah).
b.
Manggon ing pungkasane tembung kang awujud wanda
sigeg : alit, arit, kulit, garing, pating, jaring, salin, batin, kain, lsp.
Swara I miring ing pungkasane tembung bali dadi I jejeg, yen
:
a.
Kawuwuhan panambang an, conto : papringan,
garingan, kulitan, garisan , manisan, lsp.
b.
Kawuwuhan panambang e, conto : pringe, garinge,
kulite, arite, batine, kaine, lsp.
c.
Kawuwuhan panambang ana, conto : kulitana,
wiwitana, jiwitana, gitikana, lsp.
d.
Kawuwuhan panambang a, conto : nggarisa, salina,
nggapita, lsp.
e.
Kawuwuhan panambang I, conto : kuliti, wiwiti,
jiwiti, nggapiti, gitiki, garisi, lsp.
f.
Kawuwuhan panambang en, conto : jiwiten,
garisen, gapiten, sambiten, lsp.
Swara I miring ing wanda pungkasan tetep miring , yen :
a.
Kawuwuhan panambang ku, conto : kulitku, kainku,
aritku, batinku, pringku, witku, lsp.
b.
Kawuwuhan panambang mu, conto : kulitmu, kainmu,
aritmu, pringmu, witmu, lsp.
Katrangan : conto
seratan ing ngandhap menika LEPAT :
pitek, cilek, gareng, kulet, gares, manes, gitek, wet,
preng, lsp.
