BASA MADYA LAN BASA KRAMA

Minangkani pamundhutipun mas Jaka Lelana, saged kula aturaken ing sasumerep kula, kados ing ngadhap menika :

Basa Madya kaperang dadi :

1.      Madya Ngoko.

Titikane :

a.       Tembunge ngoko

b.      Ater-ater lan panambang ngoko

c.       Sesebutan marang wong sing dijak guneman : dika, mang, samang.

Kanggone :

a.       Priyayi cilik marang andhahane

b.      Bakul padha bakul, lsp.

Tuladha :

Dika klebu beja, oleh beras rada memper. Ora kaya akaya aku, esuk-esuk mruput nyang pasar, teka kene ora kumanan. Dodolen ket esuk rung payu blas.

2.      Madyantara.

Titikane :

a.       Tembunge krama.

b.      Ater-ater lan panambang ngoko.

c.       Sesebutan marang wong kang diajak guneman : Kang salira (keng slira, sampeyan), pangkat utawa peprenahane.

Kanggone :

a.       Priyayi padha priyayi sing wis kulina.

b.      Bojone priyayi marang sing lanang.

c.       Priyayi marang sanake kang kaprenah tuwa nanging asor drajade.

Tuladha :

Sampeyan niku pripun ta m as, kok mung pijer seneng-seneng mawon. Seprika-sepriki kok boten enten sudane.

3.      Madya Krama.

Titikane :

a.       Ater-ater  lan panambang ngoko.

b.      Tembunge krama kacampuran krama inggil.

c.       Sesebutan marang wong sing dijak guneman : sampeyan, pangkat utawa peprenahane.

Kanggone ;

d.      Priyayi padha priyayi sing wis kulina.

e.       Bojone priyayi marang sing lanang.

f.       Priyayi marang sanake kang kaprenah tuwa nanging asor drajade.

Tuladha :

Wanci ngeten kok seg kondur ta Mas, Napa kathah pedamelan? Niki wau onten kengkenan saking toko, napa sampeyan siyos mundhut TV?

Basa Krama kaperang dadi:

1.      Mudha Krama

Titikane :

a.       Tembunge krama

b.      Ater-ater lan panambang krama

c.       Kacampuran tembung krama inggil lan tembung krama andhap.

2.      Kanggone:

a.       Wong enom marang wong tuwa.

b.      Murid marang guru.

c.       Kanca padha kanca sing during kulina.

d.      Priyayi marang priyayi sababage.

e.       Reh-rehan marang dhuwurane.

Tuladha:

Kala wingi ngantos dangu anggen kula ngentosi panjenengan, nanging panjenengan boten rawuh-rawuh.  Kula kinten panjenengan boten saestu tindak mila kula ngrumiyini.

3.      Kramantara.

Titikane :

a.       Tembunge krama.

b.      Ater-ater lan panambang krama

c.       Tanpa krama inggil utawa krama andhap.

Kanggone:

d.      Tumrap marang sapadha-padha.

e.       Priyayi kang luwih dhuwur tinimbang sing dijak guneman.

Tuladha :

Mangga sami dipunmanah, menapa sebabipun bangsa kita menika dereng saged nata gesangipun. Menawi saged pados arta radi lumayan sampun mindhak kesenenganipun.

4.      Wredha krama

Titikane :

a.       Tembunge krama.

b.      Ater-ater lan panambang ngoko.

c.       Tanpa tembung krama inggil utawa tembung krama andhap.

Kanggone :

Wong tuwa marang wong sing luwih enom nanging isih ngajeni.

Tuladha:

Prayogine nak, sampeyan kedah gadhah idham-idhaman ingkang luhur, supados boten kacuwan benjinge. Amargi tiyang sepuh boten kenging dijagakake salami-lamine.

TEMBUNG KRAMA (5)

1.       paro                                      palih                               -

2.       pasa                                      siyam                             -

3.       pasar                                    peken                            -

4.       pati                                       pejah                             -

5.       payu                                     pajeng                           -

6.       pendhok                             kandelan                      -

7.       perkara                               perkawis                       -

8.       pikul                                     rembat                          -

9.       piranti                                  pirantos                        -

10.   pitaya                                   pitados                          -

11.   pitik                                      ayam                              -

12.   prada                                   praos                              -

13.   prau                                      baita                               -

14.   prihatin                               prihatos                        -

15.   pring                                     deling                             -

16.   pungkur                              pengker                        -

17.   rada                                      radi, ragi                        -

18.   rata                                       radin                               -

19.   ratan                                    radinan, radosan       -

20.   rebut                                    rebat                              -

21.   rega                                      regi                                 -

22.   rekasa                                  rekaos                           -

23.   rina                                       rinten                             -

24.   rubuh                                   rebah                             -

25.   rumangsa                           rumaos                          -

26.   rumanti                               rumantos                     -

27.   rumat                                   rimat                              -

28.   runtuh                                 rentah                           -

29.   rusak                                    risak                                -

30.   rusak                                    risak                                -

31.   rusuh                                   resah                              -

32.   sadulur                                sadherek                      -

33.   sagara                                  saganten                      -

34.   saguh                                   sagah                             -

35.   salin                                      santun                           -

36.   sambung                            sambet                          -

37.   samubarang                      samukawis                   -

38.   sangga                                 sanggi                            -

39.   sapi                                       lembu                            -

40.   sawah                                  sabin                              -

41.   sayekti                                 sayektos                       -

42.   sedulur                                sedherek                      -

43.   sega                                      sekul                              -

44.   semaya                               semados                       -

45.   sida                                       èstu                                -

46.   sida                                       saestu                            -

47.   sing, kang                           ingkang                         -

48.   sok                                        asring                             -

49.   soré                                      sonten                           -

50.   suguh                                   segah                             -

51.   suket                                    rumput                          -

52.   sungu                                   singat                             -

53.   surasa                                  suraos                            -

54.   suweng                               sengkang                      -

55.   swara                                   suwanten                     -

56.   tai tinja                                -

57.   tali                                         tangsul                          -

58.   tali                                         tangsul                          -

59.   tamansari                           tamansantun              -

60.   tamba                                  jampi                              -

61.   tampa                                  tampi                             -

62.   tandur                                 tanem                            -

63.   tanggung                            tanggel                          -

64.   tau                                        nate                                -

65.   tawa                                     tawi                                -

66.   tebu                                     rosan                              -

67.   tegal                                     tegil                                -

68.   teka                                      dugi                                -

69.   telu                                       tiga                                  -

70.   tembako                             sata                                 -

71.   tembang                             sekar                              -

72.   temu                                    panggih                         -

73.   tiba                                       dhawah                         -

74.   tinggal                                  tilar                                 -

75.   trima                                    trimah                            -

78.   tunggu                                 tengga                           -

79.   turah                                    tirah                                -

80.   tutur                                     sanjang                         -

81.   ubaya                                   ubanggi                         -

82.   udakara                               udakawis                      -

83.   udan                                     jawah                             -

84.   udan                                     jawah                             -

85.   udarasa                               udaraos                         -

86.   udud                                    ses                                  -

87.   uga                                        ugi                                   -

88.   ula                                         sawer                             -

89.   umbar                                  imbar                             -

90.   unggah                                inggah                            -

91.   uni                                         ungel                              -

92.   untara                                  untawis                         -

93.   upata                                   upaos                             -

94.   utama                                  utami                             -

95.   uyah                                     sarem                            -

96.   waca                                     waos                              -

97.   wadi                                     wados                            -

98.   wadon                                 èstri                                -

99.   walulang                             wacucal                         -

100.         warna                            warni                              -

101.         warta                             wartos                           -

102.         warung                          wande                           -

103.         watu                               sela                                 -

104.         wayang                         ringgit                            -

105.         wedhi                            pasir                               -

106.         wedhus                         mendha                        -

107.         wedi                               ajrih                                -

108.         wengi                             dalu                                -

109.         wetu                              wedal                             -

110.         wigati                             wigatos                         -

111.         wurung                         sande                             -

112.         wutuh                            wetah                            -

113.         yaiku                              inggih punika              -

114.         yekti                               yektos                           -

115.         yen                                 bilih                                 -